Նիկոլայ Նիկողոսյանի թանգարան

«Նիկոլայ Նիկողոսյանի թանգարանի» արվեստային տարածքում են ներկայացված ՀԽՍՀ ժողովրդական նկարիչ, ԽՍՀՄ ժողովրդական նկարիչ, ԽՍՀՄ պետական մրցանակի դափնեկիր, Ռուսաստանի Գեղարվեստի ակադեմիայի ակադեմիկոս, պրոֆեսոր Նիկոլայ Բագրատի Նիկողոսյանի (1918-2018) քանդակները, գրաֆիկական և գեղանկարչական աշխատանքները:
«Նիկոլայ Նիկողոսյանի թանգարանը» ստեղծվել է Վարպետ Նիկողոսյանի կողմից 2018 թվականին և արվեստային տարածքի տեսքով իր դռներն է բացել 2019 թ. օգոստոսին:
Թանգարանի առաքելություններից է ոչ միայն ժողովրդականացնել Մեծ Վարպետի արվեստը, այլև պահպանել XX դարի մյուս վարպետների հիշատակը, ինչպես նաև նպաստել Հայաստանի ժամանակակից արտիստների ստեղծագործական առաջընթացին:
Փոփոխվող ցուցադրություններից բացի, իրականացվում են կրթական և համերգային ծրագրեր, դասախոսություններ՝ նվիրված հայ և համաշխարհային արվեստի պատմությանը: XX դարի վարպետների աշխատանքներին զուգահեռ ցուցադրվում են նաև հայ ժամանակակից արվեստագետների աշխատանքներ:

«Նիկոլայ Նիկողոսյանի թանգարանի» արվեստային տարածքում Դուք կարող եք
• կազմակերպել գործնական հանդիպումներ
• անցկացնել ստեղծագործական ուղղվածության դասախոսություններ, զեկույցներ և վարպետության դասեր
• անցկացնել դասական, ջազ երաժշտության համերգներ, պոեզիայի երեկոներ և այլն
• կազմակերպել փակ միջոցառումներ (բանկետ, ֆուրշետ և այլն)